Salme Nummela është një grua 82-vjeare, të cilës i pëlqen taekwondo dhe madje është e pajisur me rripin e zi në këtë sport.

Sipas BBC, përcjell Telegrafi, finlandezja filloi të merrej me taekwondo nga mosha 75-vjeçare, dhe besohet të jetë personi më i vjetër në botë që fitoi rripin e zi.

“Shtatë vjet më parë po i çoja nipërit e mi në trajnimet për taekwondo. Isha ulur dhe shikoja fëmijët se çfarë po bënin. Tarja e cila ishte mësuese erdhi dhe më pyeti nëse isha e interesuar për ta mësuar taekwondo-n. Unë në fillim thash, ‘jo, kurrë’. Herën tjetër më pyeti përsëri dhe pastaj fillova trajnimet”, thotë  82-vjeçarja.

“Unë nuk kërcej shumë mirë, por më pëlqen gjithçka.

Nummela merr pjesë në trajnime tri herë në javë.

“Trupi im është bërë më i fuqishëm dhe memoria ime është përmirësuar. Janë 3,000 teknika në taekwondo dhe ne duhet t’i mësojmë mirë këto teknika”, thotë ajo.