Pas një pauze disa vjeçare, këngëtarja e njohur kosovare Jehona Sopi po rikthehet me koncert. Në rrjetin social Facebook, Sopi ka bërë të ditur që me 9 Qershor, në AMC Hall do të sjellë një fest kënge “J stands for Jehonë” ku do të jetë dedikim për t’i dhënë zë grave në një kohë kur fuqizimi është jetik.

Shkrimi i Jehona Sopit në Facebook:

J stands for Jehonë – ky nuk është rikthim është veç vazhdim i një rrugëtimi që nisi më shumë se 20 vjet më parë. Jam e lumtur të Ju prezantoj koncertin recital nën shoqërimin e orkestrës simfonike me disa prej këngëve që kanë jetuar gjithë këto kohë sepse Ju i keni dëgjuar. Më 9 qershor prej orës 19:30 në "AMC Hall" me “Jehonë”, përveç një feste kënge është dedikim për t’i dhënë zë grave në një kohë kur fuqizimi është jetik. Faleminderit të gjithë mbështetësve që këtë rrugëtim po e bëjnë realitet.