Ylli 27-vjeçar i muzikës pop – e cila krenohet me 146.3 milionë ndjekësit në Instagram – zbuloi se ka gati këngën e re “Dance The Night” dhe se lansohet të premten.

“Kjo barbie ka një këngë që publikohet këtë javë”, ka qenë përshkrimi që ia ka vënë postimit.

Dua rikrijoi momentin në fillim të ‘trailer’-it të filmit “Barbie”, ku producentja Margot Robbie doli nga takat e saj rozë për të zbuluar se këmbët e saj ishin ende në formë si kukulla plastike Mattel.

Lipa më pas dhuroi një puthje nga kamera, teksa kënga e saj po dëgjohej në sfond.

Këngëtarja britaniko-shqiptare do të bëjë gjithashtu debutimin e saj në aktrim si Mermaid Barbie në filmin e Warner Bros.

Projekti në fjalë pritet të debutojë në kinematë amerikane dhe në Mbretërinë e Bashkuar në korrik.

“Barbie: The Album” gjithashtu flitet se do të ketë këngë nga Taylor Swift, Ava Max, Britney Spears, Iggy Azalea dhe Charli XCX.

Të tjerë të përfshirë në këtë film janë: Ryan Gosling, Greta Gerwig, Emma Mackey, Will Ferrell, Simu Liu, Michael Cera etj.