Ministri i Mjedisit, Planifikimit Hapësinor dhe Infrastrukturës, Liburn Aliu, ka njoftuar se janë intensifikuar punimet në Autostradën e Gjilanit, ku sipas tij po punohet maksimalisht në të gjitha lotet.

“Angazhim maksimal për ndërtimin e autostradës Gjilan-Dheu i Bardhë, me ç’rast po zhvillohen punime në të 8 (LOT-et) e kontratave ekzistuese. Njëkohësisht, po vazhdojnë punimet për zgjerimin e rrugës Gjilan-Bujanoc (nga rrethrrotullimi i fabrikës së baterive deri tek kyçja në Autostradë)”, ka shkruar Aliu në një postim në Facebook.