Radio Plus 102.2 FM

call + 383 44 776 000

Plus n'4

Radio +

102.2FM

Profili

 E Hëne  - E Premte

 16:00 - 18:00

+383 44 776 000

Livestream

Dëgjo Radio Plus Live

Diego Maradona: Operacioni për mpiksjen e gjakut në tru, e suksesshme, thotë doktori

Sport  |  04.11.2020 Ora 17:51   
Legjenda e Argjentinës Diego Maradona i është nënshtruar një operacioni të suksesshëm të trurit, ka thënë mjeku i tij.

Fituesi i Kupës së Botës më 1986, 60 vjeçari, u shtrua të hënën në klinikën Ipensa në Buenos Aires, duke vuajtur nga anemia dhe dehidrimi.

Leopoldo Luque, mjeku personal i Maradonës, tha se ai kishte "përballuar mirë operacionin".

Ai tani do të mbetet nën vëzhgim, tha Dr Luque, duke shtuar se gjithçka ishte "nën kontroll".

Maradona u transferua në Klinikën Olivos në La Plata, ku u operua në 20:00 me kohën lokale (23:00 GMT) nga Dr Luque, i cili është një neurokirurg. Procedura zgjati rreth 80 minuta.

Maradona aktualisht është trajner i Gimnasia y Esgrima në ligën e Argjentinës.

Ai mori pjesë në ndeshjen e skuadrës kundër Patronato të Premten, në 60 vjetorin e lindjes.

Mbështetësit e Gimnasia y Esgrima janë mbledhur jashtë spitalit duke mbajtur mesazhe mbështetjeje për ish sulmuesin e Argjentinës.

Sapo u njoftua rezultati i operacionit, një grup tifozësh jashtë filluan të brohorisnin emrin e tij, njoftoi agjencia e lajmeve Reuters.

Ish-klubi i tij Napoli, të cilin ai ndihmoi në dy tituj të Serie A, shkroi në Twitter një mesazh mbështetjeje./radioplus

Komentet

Marketing

Tjera në Sport

Marketing