Sa kushton prodhimi i një iPhone 14 Pro Max

Teknologji | 16.02.2023 Ora 8:24

Kompania analitike Counterpoint Research ka zbuluar koston e komponentëve në prodhimin e modelit iPhone 14 Pro Max, shkruan TechnoNews.

Apple prezantoi serinë iPhone 14 vjeshtën e kaluar dhe iPhone 14 Pro Max është një nga modelet e kësaj serie.

Counterpoint Research zbulon se kostoja mesatare e materialeve për të prodhuar iPhone 14 Pro Max bazë 128 GB është 464 dollarë.

Kjo përfaqëson rritje prej 3.7% krahasuar me iPhone 13 Pro Max. Rritja e çmimit ishte kryesisht për shkak të rritjes së çmimit të ‘çipsetit’ të ri të Appleit, ekranit AOD dhe kamerës kryesore 48 MP.

Për tregun amerikan, modeli mmWave ka kosto prodhimi prej 474 dollarësh, ndërsa versioni nën 6 Ghz i shitur në tregjet e tjera vlerësohet të kushtojë 454 dollarë.

Për krahasim, iPhone 14 Pro Max 128 GB shitet me pakicë për 1.099 dollarë në SHBA.

Apple shpenzon 11 dollarë më shumë në chipset A16 Bionic në krahasim me modelin e mëparshëm. Një ekran i ri me aftësi AOD kontribuon në rritjen me 1%, ndërsa kamera 48MP rrit çmimin e telefonit me 6.30 dollarë.

Nga ana tjetër, disa komponentë janë më të lirë në krahasim me iPhone 13 Pro Max, kështu që çmimet e komponentëve të lidhjes celulare janë rreth 13 për qind më të lira.