Teatri Oda shënon sot 20 vjetorin e themelimit, sjell edhe premierën “Arbri”

Vendi | 01.03.2023 Ora 8:06

Njëri nga teatrot më të rëndësishëm në vend, teatri “Oda” nesër shënon 20 vjetorin e themelimit.

Për të shënuar këtë përvjetor të rëndësishëm, sot mbahet mbrëmje në nderim të këtij 20 vjetori e për të vazhduar tutje me programin e muajit mars ku në mesin e shfaqjeve do të jetë edhe një premierë.

“Arbri” është shfaqja premierë e cila luhet më 6 mars më fillim nga ora 20:00, me regji dhe tekst të Lirak Çelaj. Shfaqja do të luhet menjëherë të nesërmen më 7 mars, më 16 mars dhe krejt në fund më 30 mars.

Leximi skenik nga Shpetim Selmani mbahet më 10 mars me titull “Fajin e ka Bill Gates”, përderisa shfaqjet tjera që luhen në ‘Oda’ gjatë marsit janë: “Sikur kjo të ishte shfaqje…”, “Pas’humbja”, “Stiffler”, “Burrnesha” dhe “Pesë stinët e armikut të popullit”.