Komuna e Prishtinës ka themeluar një drejtori të re atë të Sigurisë dhe Emergjencave.
 

Lulzim Fushtica do të udhëheqë me këtë drejtori, i cili sipas kryetarit Përparim Rama ka përvojë 25-vjeçare në sektorin e sigurisë publike.
 

Sipas Ramës kjo drejtori ka qenë e nevojshme të formohet pasi në këtë mënyrë fillojnë përgatitjet edhe për formimin e policisë së kryeqytetit.
 

“Drejtoria për Siguri dhe Emergjenca do të ketë mision sigurinë humane, sigurinë në komunikacion, sigurinë e grupeve të cenueshme, sigurinë apo mbrojtjen e mjedisit, sigurinë e hapësirave publike, qentë endacakë sigurinë në shkolla dhe të tjera”, ka thënë Rama./koha.net/