Kreu 8,008 ngritje brenda 24 orëve, entuziasti i fitnesit nga Australia thyen rekordin Guinness

Kuriozitete | 09.03.2023 Ora 8:19

Një entuziast australian i fitnesit theu rekordin Guinnes pasi përfundoi 8,008 ngritje brenda 24 orëve.

Jaxon Italiano tentoi ta thyejë rekordin për më shumë ngritje brenda 24 orëve në Sydney, New South Wales për të mbledhur para për grupin bamirës “Dementia Australia”.

Ai tha se ishte frymëzuar nga puna që kishte bërë në një shtëpi kujdesi. Australian mblodhi afro 6,000 dollarë për bamirësi.

Italiano përfundoi 8,008 ngritje brenda 24 orëve, duke thyer rekordin e mëparshëm prej 7,715. Ai e përfundoi përpjekjen e tij me 3 orë e gjysmë të lirë.

“Fatkeqësisht, 3.5 orët e fundit më duhej t’i lija të pashfrytëzuara pasi isha i rraskapitur plotësisht”, tha ai në një postim në Instagram.