Elon Musk ka rrëzuar nga froni ish-presidentin amerikan Barack Obama si personi më i ndjekur në Twitter.

Deri tani, miliarderi ka 133,068,709 ndjekës krahasuar me 133,042,819 të Obama-s, sipas numrit të ndjekësve të raportuar në profilet e tyre përkatëse në Twitter.

Blerja prej 44 miliardë dollarësh e Twitter-it nga Musk ka ndihmuar padyshim që të rritet numri i ndjekësve, transmeton Telegrafi.

Shefi ekzekutiv i Twitter, Musk arriti 100 milionë ndjekës qershorin e kaluar dhe ky numër ka vazhduar të rritet vetëm në muajt në vijim.