Në rrethinat e Leidenit në Holandë, qëndron një burrë gjigant me ngjyrë portokalli 35 metra i gjatë. I ulur në një platformë dykatëshe pranë një ndërtese prej 11 katesh prej qelqi, ky njeri i portokalltë ju mirëpret në Muzeun Corpus, muzeu i parë në botë që i çon vizitorët në të gjithë anatominë e trupit të njeriut.

Trupi gjigant i portokalltë në muzeun Corpus është prerë në qendër të tij nga muret prej xhami të ndërtesës, duke e bërë atë të duket si një siluetë. Në realitet, njeriu portokalltë është një trup i plotë që pushon gjysmë brenda dhe gjysmë jashtë muzeut. Skulptura menjëherë kap syrin e makinave që kalojnë në autostradën A44 të Leidenit, duke i bërë me shenjë muzeut të pazakontë.

Turneu një-orësh i muzeut Corpus fillon me një shëtitje me shkallë prej këmbëve deri në gju, ku vizitorët do të hyjnë brenda një plage të hapur. Më pas vjen zona gjenitale, ku vizitorët do të vënë syze 3D për të parë një qelizë spermatozoide që fekondon një vezë.

Më larg trupit gjigant vijnë zorrët, ku mund të jeni dëshmitarë të tretjes së një sandwichit me djathë para syve tuaj. Pasi kalojnë përmes venave të zemrës, vizitorët arrijnë në kokë. Këtu, të rriturit mund të vëzhgojnë neuronet pulsuese në tru, ndërsa fëmijët mund të kërcejnë mbi një gjuhë gjigante, ndërsa një tingull i gogësimës shpërthen nga një sistem altoparlanti.

Kati i sipërm i muzeut ka aktivitete të shumta interaktive dhe një kafeteri. Ndërsa vizitorët hanë, ata mund të shohin njeriun gjigant të portokalltë që tundet nëpër muret prej xhami pranë tyre.