Çdo vit, Organizata e Konsumatorëve dhe Përdoruesve (OCU) publikon një raport në të cilin zbulon markat me veturat më të besueshme dhe më pak të besueshme në treg.
 

Bazuar në këto të dhëna, zbulohet edhe cila është vetura më e pabesueshme dhe me më shumë defekte në Evropë deri më tani.
 

Sipas Jutarnji.hr, raporti bazohet në një anketë të 52.430 shoferëve në pesë vende evropiane, që tregon se markat aziatike vazhdojnë të udhëheqin shkallën e besueshmërisë vit pas viti.

Studimi i OCU zbulon se Lexus (95 pikë), Subaru (93) dhe Toyota (91) zënë tre vendet e para në listën e markave më të besueshme, të ndjekura nga Mitsubishi, Kia, Suzuki, Hyundai, Honda dhe Mazda.

Kjo, natyrisht, i vendos prodhuesit evropianë në vendin e dytë, marka më e besueshme e të cilëve, sipas këtij raporti, është Seat, e cila zë vendin e dhjetë. Dacia është e radhës, e ndjekur nga Skoda, DS, Volkswagen, Smart, Peugeot, Mercedes, BMW dhe Mini, të cilët përfundojnë 20-shen e parë.

Në skajin tjetër të listës, në gjashtë pozicionet e fundit me një rezultat të barabartë ose më pak se 68 pikë, janë Lancia, Chevrolet, Jaguar, Land Rover dhe Alfa Romeo. Së fundi, marka më pak e besueshme e veturave në Evropë, sipas raportit të publikuar nga OCU, është Tesla, me vetëm 60 pikë nga gjithsej 100.

Sipas raportit të OCU, defektet më të zakonshme që kanë veturat në vitin 2022 janë defektet elektrike (17%), sistemi i frenimit (13%), elektronika (8%), drejtimi dhe amortizimi (7%), motori (8%) dhe kondicioner (6%).

Sipas OCU, hibridet me benzinë janë veturat që kanë më pak defekte.