Presidentja e Kosovës, Vjosa Osmani iu ka bashkuar nismës së platformës ‘Dua.com’ për përfshirjen e Kosovës në platformat e gjigandit botëror, Google.
”E lumtur për t’iu bashkuar nismës së dua.com për thirrje që Google të përfshijë Kosovën në të gjitha shërbimet e saj. Një vendim i vonuar prej kohësh. Një ndryshim i vogël për një hap gjigant në barazi, aksesueshmëri dhe përfshirje. Shto Kosovën në Google”, ka shkruar Osmani në rrjetin social "X".
Platforma “Dua.com” ka lansuar peticionin për njohjen e Kosovës në platformat e Google, e i cili ka arritur të marrë mijëra nënshkrime.
