MMPHI anulon disa licenca për vlerësim të ndikimit në mjedis

Vendi | 10.08.2023 Ora 8:39

Zëvendësiministri i Ministrisë së Mjedisit, Planifikimit Hapësinor dhe Infrastrukturës, Avni Zogiani ka njoftuar se kanë anuluar licencat për vlerësim të ndikimit në mjedis për personat juridik dhe fizik.

“Për herë të parë Ministria, përkatësisht Komisionet e ekspertëve, kanë bërë anulimin e licencave të personave juridik e fizik për vlerësimin e ndikimit në mjedis, duke u bazuar në shkeljen e kritereve, ligjit, dhe etikës në përpilim të raportit”, ka njoftuar Zogiani.

Sipas tij, për një kohë të gjatë ekspertët e pavarur dhe ata të brendshëm kanë alarmuar për shkeljet dhe përmbajtjen e dobët të raporteve për vlerësimin e ndikimit në mjedis.

“Rasti për të cilin është bërë ky raport tashmë është nisur në adresë të Prokurorisë Speciale, kurse pas anulimit të licencave për vlerësuesit do të shihet nëse ka bazë për veprime të mëtutjeshme”, ka shkruar tutje Avni Zogiani./rtk/