Nuk ka ndonjë dëshmi se përhapja e Facebookut nëpër botë është e lidhur me dëmet psikologjike, thuhet në një studim të Oxford Internet Institute (OII), raporton BBC.

Hulumtimi ka shikuar se si ka ndryshuar mirëqenia në 72 shtete, ndërsa është rritur përdorimi i platformës së rrjetit social.

Ky zbulim kundërshton besimin e gjerë se rrjetet sociale shkaktojnë dëme psikologjike.

Disa shtete, përfshirë edhe Britania e Madhe, janë duke shqyrtuar një legjislacion për të mbrojtur përdoruesit e rrjetit social nga dëmet që vijnë online.

Meta, e cila ka në pronë Facebookun, është përballë me kritika pasi dëshmitë e sinjalizuesve dhe raportimet e mediave, sugjerojnë se hulumtimi i vetë kompanisë dëshmon për ndikimet negative që Facebooku ka te disa përdorues.

Ky hulumtim ka shikuar vetëm Facebookun e jo platformat tjera të Metas, si Instagrami.

Profesori Andre] Przybylski nga OII, ka thënë për BBC-në se studimi po përpiqet t’i japë përgjigje pyetjes se a shkaktojnë rrjetet sociale në mirëqenien e njerëzve.

“Zakonisht mendohet se është një gjë e keqe për mirëqenien, por bazuar në të dhënat që kemi mbledhur dhe analizuar, nuk është treguar kjo”, tha Przybylski./koha/