Kryetari i Prishtinës, Përparim Rama, ka deklaruar se zgjatja e orarit me pagesë të parkingut në Zonën 1 ka dhënë rezultate të kënaqshme.

Ai ka shkruar në Facebook të mërkurën mbrëma se përpjekjet për të rregulluar gjendjen e parkingjeve do të jenë të vazhdueshme.

“Zgjatja e orarit të punës në Prishtina Parking deri në orën 23:00, po jep rezultate të kënaqshme në Zonën 1 të Kryeqytetit. Në parkingjet ku zakonisht ka ngarkesë, sonte nuk ka vetura të shumta, janë kryesisht të banorëve rezident. Përpjekjet tona për të rregulluar gjendjen e parkingjeve në zonat rezidenciale do të jenë të vazhdueshme”, thuhet në statusin e tij.

Vendimi për zgjatjen e orarit të parkingut Prishtina Parking u mor të dielën./koha/