Nuk është padyshim një fenomen i ri të shohësh një këngëtar të shkruajë një këngë dhe t’ia shesë atë një artisti tjetër.
Megjithatë, është e pashmangshme pyetja: Pse nuk e mbajti për vete?

Ed Sheeran trajtoi pikërisht atë skenar në lidhje me “Love Yourself”, të cilin ai e shkroi dhe më pas ia dha Justin Bieber, dhe rezulton se historia se si dhe pse ndodhi kjo është shumë qesharake.

Ed Sheeran tregoi historinë e “Love Yourself” ndërsa performonte në një koncert më 3 maj në Seminole Hard Rock Hotel & Casino në Florida duke qeshur ndërsa i tha turmës: “Kjo është një këngë kur shkruaja Divide, shkruaja shumë këngë për shumë gjëra të ndryshme, dhe e shkrova këtë këngë, dhe sinqerisht, ua luajta njerëzve dhe ata reaguan, ‘Meh’. Më pas ai shpjegoi se rrethi i ngushtë i miqve dhe bashkëpunëtorëve të tij mendonin se kënga nuk ishte edhe aq e mrekullueshme.

33-vjeçari më pas shpjegoi se ia tregoi Justin Bieber, i cili vendosi që ta merrte si këngë për repertorin e tij.

Megjithatë, për ironi të fatit kënga u bë shumë e suksesshme duke u bërë një hit i madh dhe duke u vërtetuar miqve të këngëtarit se ata e kishin gabim.