Sipas një analize nga Universiteti i Maryland dhe LinkUp, tregu i punës në sektorin e inteligjencës artificiale (AI) ka shënuar rritje prej 68% në SHBA gjatë dy viteve të fundit, ndërsa postimet për punë të tjera kanë rënë me 17%.
Ky “efekt ChatGPT” ka ndikuar që kërkesat për inxhinierë dhe konsulentë të AI të rriten ndjeshëm, ndërsa postimet për punët tradicionale të IT kanë pësuar rënie prej 27%.
Ekspertët thonë se me përhapjen e AI, kjo teknologji po depërton në çdo industri — nga prodhimi dhe shërbimet teknike deri te financat dhe bujqësia — duke e bërë aftësinë në AI një element kyç për tregun e punës së së ardhmes.
