Ish-presidenti i SHBA-së, Donald Trump, ka bërë një deklaratë befasuese dhe padyshim me shije humori – ai tha se do të donte të bëhej Papa i ardhshëm, pas ndarjes nga jeta të Papa Françeskut.

I pyetur se kë do të donte ta shihte në fronin papnor, Trump tha me shaka se vetja është zgjedhja e tij e parë. Më pas sqaroi se në të vërtetë nuk ka ndonjë preferencë specifike, por përmendi Kardinalin Timothy Dolan nga New York-u si dikë që mund ta mbajë këtë pozitë me përgjegjësi.

Edhe pse është shumë pak e mundshme që Trump të bëhet Papa – pasi nuk është kardinal, nuk ndjek rregullisht meshën dhe nuk ka ndonjë përvojë kishtare – ai gjithsesi ka tërhequr vëmendjen në funeralin e Papa Françeskut me një kostum ngjyrë blu të ndezur, duke “peacock-uar” në stilin e tij klasik.

Ndërkohë, në faqen zyrtare të Trump po shiten kapela me sloganin “Trump 2028”, duke nënkuptuar se ambiciet e tij për pushtet nuk janë duke u shuar – qoftë në Shtëpinë e Bardhë apo në Vatikan!