Pas tre vitesh dhe 17 vizitave tek mjekët, një nënë amerikane, Courtney, kërkoi ndihmë te ChatGPT për të gjetur përgjigje për shqetësimet shëndetësore të djalit të saj katërvjeçar.

Djali i saj, Alex, vuante nga dhimbje kronike dhëmbësh, rritje të ngadalshme dhe vështirësi me balancën, por askush nga specialistët nuk ishte në gjendje të ofronte një diagnozë të qartë.

Courtney vendosi të shtypte detajet e MRI-së dhe simptomat e Alex-it në ChatGPT, dhe menjëherë u sugjerua Sindroma e Kordës së Lidhur – një çrregullim neurologjik i rrallë që prek palcën kurrizore.

Me këtë sugjerim, Courtney u bashkua me një grup mbështetjeje online për prindërit e fëmijëve me simptoma të ngjashme dhe e gjeti diagnozën si shumë të saktë. Më vonë, një neurokirurg i konfirmoi diagnozën dhe Alex bëri një operacion të suksesshëm në shtyllën kurrizore. Ai po rimëkëmbet mirë.

Ndërsa ky rast ka marrë vlerësime për potencialin e AI në diagnostifikimin e sëmundjeve të rralla, ekspertët mjekësorë theksojnë se mjetet si ChatGPT nuk duhet të zëvendësojnë mjekët profesionistë. AI mund të ofrojë informacione të pasakta dhe të pavërteta, kështu që përdorimi i saj duhet të shikohet si mbështetje dhe jo si një zgjidhje përfundimtare.