Festivali i Filmit në Cannes 2025 shkëlqen me yje dhe emra të mëdhenj

12.05.2025 Ora 8:04

Nga data 13 deri më 24 maj, Festivalit i Filmit në Cannes mirëpret yjet më të mëdhenj të Hollywood-it dhe botës së kinemasë. Tom Cruise rikthehet me “Mission: Impossible – The Final Reckoning”, ndërsa Robert De Niro do të nderohet me një Palmë të Artë për karrierën. Wes Anderson, Spike Lee dhe Joachim Trier janë në mesin e emrave të njohur që sjellin premierat e tyre.

Në garën për çmimin kryesor janë emra të tillë si Jennifer Lawrence, Josh O’Connor, Paul Mescal dhe regjisore të shquara si Kelly Reichardt dhe Mascha Schilinski. Me një të tretën e garës të përfaqësuar nga gratë, festivali po shënon një hap të rëndësishëm drejt barazisë gjinore. Edhe pse Cannes mbetet besnik ndaj rregullave të veta, ky vit tregon se festivali vazhdon të jetë një pikë referimi për botën e filmit dhe çmimet Oscar.