Një sondazh i fundit ka treguar disa fakte interesante mbi mënyrën se si njerëzit i përdorin telefonat për lojëra: 61% e përdoruesve luajnë zakonisht në shtrat, duke e parë këtë si mënyrë për t’u relaksuar para gjumit apo për të kaluar kohën e lirë. Ndërkohë, 29% pranojnë se luajnë në banjë, dhe 9% gjatë rrugës për në punë, duke e shfrytëzuar çdo moment të ditës për pak argëtim digjital.

Ndërkohë, një prej lajmeve më të mëdha në botën e lojërave mobile është rikthimi i Fortnite në App Store në Shtetet e Bashkuara. Pas një mungese pesëvjeçare dhe një beteje ligjore mes kompanisë Epic Games dhe Apple, loja më në fund është sërish e disponueshme për përdoruesit e iPhone dhe iPad.

Fortnite ishte hequr nga App Store në vitin 2020 për shkak të shkeljes së rregullave të pagesës së brendshme të Apple, por marrëveshja e re mes dy kompanive e ka kthyer një nga lojërat më të njohura në botë prapë në duart e miliona përdoruesve.