Reperja e njohur Cardi B ka ndarë për herë të parë me ndjekësit fotot e vajzës së saj nëntë muajshe, Blossom.

Në një postim të ëmbël në Instagram, artistja me emrin e vërtetë Belcalis Almánzar publikoi disa imazhe nga një ditë relaksi pranë pishinës me tre fëmijët e saj. Në një nga fotot, vajza e madhe Kulture, 6 vjeç, pozon me çanta dhe shall nga koleksioni i Louis Vuitton me motivet ikonike të luleve të Takashi Murakami. Ndërkohë, djali trevjeçar Wave shihet duke mbajtur një telefon dhe duke shikuar kamerën.

Për herë të parë, Cardi ndau edhe dy imazhe të vajzës së saj më të vogël, Blossom. Në njërën prej tyre, ajo shfaqet e buzëqeshur duke mbajtur vogëlushen në krahë, ndërsa në tjetrën Blossom luan me disa çanta luksoze.

Postimin ajo e shoqëroi me përshkrimin: "It is you Miss Blossom Belles."

Fotot morën shpejt mbi 1.8 milionë pëlqime dhe shumë komente nga fansat dhe kolegët. Reperja Latto shkroi: “Baby feverrrrrrrrrrrrrrrr wtffffffff”, ndërsa këngëtari Bobby Lytes komentoi: “Cardi bën disa fëmijë të mrekullueshëm!”

Cardi B ndan fëmijët me bashkëshortin e saj të ndarë, reperin Offset. Ajo e mirëpriti Blossom pak kohë pasi kishte bërë kërkesë për divorc nga artisti i grupit Migos, me të cilin ishte martuar në vitin 2017.