Studim: Çiftet e lumtura postojnë më pak në rrjetet sociale

Të Tjera | 23.07.2025 Ora 9:32

Një studim i ri tregon se çiftet e lumtura kanë më pak prirje të postojnë në rrjetet sociale, pasi janë më të përqendruar në të jetuar jetën që dëshirojnë sesa në krijimin përshtypjeve për të tjerët. Ata zgjedhin të jetojnë të tashmen dhe të ndërtojnë kujtime të vërteta, larg syrit publik.

Konfliktet i mbajnë private, duke vlerësuar komunikimin e ndershëm mbi dramat e ekspozuara. Gjithashtu shmangin krahasimet me të tjerët dhe e vlerësojnë rrugëtimin e tyre të përbashkët, pa nevojën për të konkurruar me "momente perfekte" të postuara nga të tjerët.

Lumturia e tyre nuk varet nga pëlqimet apo komentet, por nga rritja personale dhe lidhja e sinqertë me njëri-tjetrin.

Më e rëndësishmja: nuk ndiejnë nevojën të “provojnë” dashurinë e tyre para askujt. Përkushtimi i tyre shprehet përmes kujdesit, mbështetjes dhe pranisë së përditshme, jo përmes postimeve të vazhdueshme.