Ish-princesha japoneze Mako ka sjellë në jetë fëmijën e saj të parë, ka konfirmuar Agjencia e Familjes Perandorake. Të dy – nëna dhe foshnja – gëzojnë shëndet të plotë, duke shënuar kështu nipin e parë për Princin e Kurorës dhe Princeshën e Kurorës së Japonisë.

Mako hoqi dorë nga titulli i saj mbretëror në vitin 2021 për të kurorëzuar dashurinë me Kei Komuro, një “i zakonshëm” që ajo njohu gjatë studimeve në Universitetin e Krishterë Ndërkombëtar në Tokio.

Lidhja e tyre nisi gjatë një eventi shkëmbimi studentor dhe kulmoi me fejesën në vitin 2013. Megjithëse martesa u shty për shkak të vëmendjes së madhe mediatike dhe presioneve publike, çifti u martua në tetor 2021. Mako madje refuzoi edhe pagesën tradicionale prej 1.3 milionë dollarësh që zakonisht i jepet grave që largohen nga familja perandorake.

Pas martesës, ata u vendosën në New York, ku Komuro punon si avokat. Mako e ka përshkruar bashkëshortin e saj si “të pazëvendësueshëm” dhe ka deklaruar se martesa e tyre ishte një zgjedhje e domosdoshme për lumturinë e përbashkët.

Tani, si prindër të rinj, ata po ndërtojnë jetën e tyre të re larg protokolleve mbretërore, në një kapitull të mbushur me dashuri dhe përkushtim.