Hayley Williams, ka surprizuar fansat me publikimin e papritur të albumit të saj të ri solo, Ego. Kënga “Mirtazapine” u transmetua javën e kaluar në WNXP Nashville, dhe tani ajo ka ndarë të gjithë albumin me 17 këngë në faqen e saj zyrtare: www.hayleywilliams.net.

Për të dëgjuar albumin, fansat duhet të regjistrohen në listën e email-it të markës së saj të flokëve, Good Dye Young, për të marrë një kod aksesimi me 16 shifra.

Nuk dihet ende nëse këngët do të publikohen më vonë në platformat tradicionale të transmetimit. Kjo është hera e tretë që Hayley publikon një album solo, pas Petals for Armor (2020) dhe Flowers for Vases / descansos (2021).

Së fundmi, ajo ka bashkëpunuar me Turnstile, Moses Sumney dhe David Byrne, ku do të shfaqet në këngën “What Is the Reason For It?” në albumin e ri të ish-vokalistit të Talking Heads, që pritet në shtator.


Disa prej këngëve të albumit Ego:
Kill Me, Mirtazapine, I Won’t Quit On You, Dream Girl In Shibuya, Brotherly Hate, Discovery Channel, BloodBros, True Believer, Zissou.