Tradicionalisht MASLD prek kryesisht të moshuarit me një histori hepatiti ose varësie nga alkooli, por tani po shihet me një shkallë alarmante tek njerëzit në të 30-at dhe 40-at e tyre. Studimi vlerëson se rastet e reja të kancerit të mëlçisë në mbarë botën do të rriten nga 870,000 në vitin 2022 në 1.52 milion në vitin 2050, ndërsa vdekjet vjetore do të arrijnë në 1.37 milion nga 760,000 qw janw aktualisht.

Një nga shkaqet me rritjen më të shpejtë është MASH (steatohepatiti i shoqëruar metabolikisht), një formë e rëndë e MASLD, e cila shoqërohet me obezitet dhe çrregullime metabolike. Përqindja e kancerit të mëlçisë që i atribuohet MASH pritet të më shumë se dyfishohet, nga 5% në vitin 2022 në 11% në vitin 2050. Megjithatë, obeziteti dhe konsumi i alkoolit vlerësohet të jenë përgjegjës për një numër në rritje të rasteve. 

Profesor Jian Zhou nga Universiteti Fudan në Kinë, tha: Kanceri i mëlçisë është një nga kanceret më të vështira për t'u trajtuar, me norma mbijetese 5-vjeçare që variojnë nga vetëm 5 deri në 30%. Nëse nuk merren masa urgjente, do të shohim raste dhe vdekje që dp të dyfishohen në 25 vitet e ardhshme.

Pamela Healy, drejtore ekzekutive e Shoqatës Britanike të Mëlçisë, tha se mëlçia ishte tani shkaku më i shpejtë në rritje i vdekjes nga kanceri në Mbretërinë e Bashkuar, me vetëm 13% të atyre që diagnostikohen mbijetojnë për më shumë se pesë vjet. Ajo theksoi nevojën për parandalim dhe zbulim të hershëm përmes monitorimit të rregullt të njerëzve me cirrozë dhe faktorë të tjerë rreziku.

Theksi vihet në ruajtjen e një peshe të shëndetshme, uljen e konsumit të alkoolit dhe shqyrtimin për viruset e hepatitit.

Në Mbretërinë e Bashkuar, obeziteti është përshkruar si një krizë e shëndetit publik. Pothuajse dy të tretat e të rriturve në Angli janë mbipeshë, ndërsa më shumë se 14 milionë (26.5%) janë obezë. Mjekët tani janë në gjendje të përshkruajnë injeksione GLP-1 për humbje peshe. Megjithatë, farmacistët paralajmërojnë për rrezikun e mospërmbushjes së kërkesës në rritje.

Parandalimi i kancerit të mëlçisë bazohet në tre shtylla: dietë e mirë, aktivitet fizik dhe ulje e konsumit të alkoolit. Pa veprime të menjëhershme, pasojat për shëndetin global do të jenë serioze.