Reperi i njohur Snoop Dogg ka rrëfyer publikisht se mbështet klubin striptiz që zotëron bashkëshortja e tij, Shante Broadus — madje merr pjesë aktive në mbrëmjet që ajo organizon.

“Rreth dy vite më parë, gruaja ime vendos të blejë një strip club dhe të organizojë mbrëmje,” tha reperi 53-vjeçar në podcast-in It’s Giving.... “Dhe e bën shpesh!”

Snoop, i martuar me Shante që nga viti 1997, pranoi se fillimisht ishte i habitur nga vendimi i saj, por zgjodhi të mos e gjykojë. “Çfarë të bëj unë? T’i them: ‘Çfarë dreqin po bën?’ Jo, jo! Unë e mbështes. Shkoj. Hedh para në ajër. E mbështes!”, tha ai me një buzëqeshje dhe tundje koke.

Ai shtoi se Shante e meriton plotësisht mbështetjen e tij, sepse ajo e ka qëndruar pranë gjatë gjithë karrierës së tij dhe ka besuar në ëndrrat e tij.

“Kur unë po ndiqja një ëndërr që më dukej argëtuese dhe ‘cool’, ajo më mbështeti. Tani është radha ime të jem atje për të. Ajo e pëlqen këtë.”