Taylor Swift dhe ylli i NFL, Travis Kelce, kanë konfirmuar fejesën e tyre përmes postimeve të përbashkëta në Instagram të martën. Çifti ndau një seri fotosh romantike në një ambient me lule, përfshirë momentin kur Kelce i gjunjëzuar i propozoi këngëtares së njohur. Në fokus ishte edhe unaza e fejesës, një diamant “cushion cut” i madhësisë mbresëlënëse, i vendosur mbi një brez ari.

Propozimi ndodhi në Lee’s Summit, Missouri, ku Kelce kishte planifikuar gjithçka që prej muajsh, sipas deklaratës së babait të tij për mediat amerikane.

Historia e dashurisë së çiftit filloi në vitin 2023, me një gjest simbolik të Kelce – një “friendship bracelet” me numrin e tij të telefonit – që çoi në takime të fshehta dhe më pas në shfaqje publike. Që prej atëherë, lidhja e tyre është kthyer në një nga romancat më të përfolura, duke përfshirë edhe momentin kur Swift e puthi Kelce pas fitores së Super Bowl 2024, apo kur ai u shfaq surprizë në skenën e Eras Tour në Londër.

Me një karrierë të jashtëzakonshme secili në fushën e vet – Swift si fituese e 14 çmimeve Grammy dhe Kelce si kampion i trefishtë i Super Bowl – fejesa e tyre ka tërhequr vëmendjen e fansave në mbarë botën. Për shumëkënd, kjo është tashmë një histori dashurie që duket si një skenar filmi romantik, por që po shkruhet në jetë reale.