Një gjykatë në Berlin ka dënuar një adoleshent sirian për përfshirjen e tij në një komplot për të sulmuar një koncert të Taylor Swift në Vjenë.

16-vjeçari, i identifikuar nga prokurorët si Mohammad A, u shpall fajtor për “përgatitje të një akti të rëndë dhune që rrezikon shtetin” dhe “mbështetje të një akti terrorist jashtë vendit”. Ai u dënua me 18 muaj burg me kusht.

Sipas gjykatës, Mohammad A ishte vetëm 14 vjeç në kohën e ngjarjes dhe ishte “radikalizuar nga propaganda e ISIS në internet”. Ai pranoi fajin gjatë gjyqit dhe u shpall përgjegjës për ndihmën që i dha një adoleshenti tjetër në Austri për planifikimin e sulmit.

Për këtë arsye, tre datat e turneut rekord të Swift-it në Vjenë u anuluan në gusht të vitit të kaluar, pasi autoritetet arrestuan dy persona të dyshuar. Njëri prej tyre, një 19-vjeçar, akuzohej se planifikonte një sulm vetëvrasës gjatë një eventi të madh publik në kryeqytetin austriak, duke pasur si objektiv edhe koncertet e Swift-it.