Fillimisht, A23a peshonte gati një trilion tonë dhe mbulonte një sipërfaqe prej 3,672 kilometra katrorë – pak më e madhe se shteti Rhode Island në SHBA. Pas më shumë se tri dekadash i bllokuar në fundin e Detit Weddell, në vitin 2020 ai u lirua dhe që atëherë ka qenë në lëvizje, derisa tani është reduktuar në rreth 1,700 kilometra katrorë, madhësi kjo e krahasueshme me Londrën e Madhe.

Shkencëtarët theksojnë se ujërat e ngrohta dhe ardhja e pranverës jugore do ta përshpejtojnë më tej procesin e shpërbërjes, me gjasa që në javët në vijim A23a të copëtohet në fragmente shumë të vogla për t’u gjurmuar.

Sipas BAS, ky fenomen është i natyrshëm, por ndryshimet klimatike po e bëjnë gjithnjë e më të shpeshtë dhe më dramatik. Humbja e akullit nga shelfe të mëdha, për shkak të shkrirjes dhe kalvimit të ajsbergëve, ka sjellë pasoja të dukshme për ekosistemet detare dhe po kontribuon në rritjen e nivelit të detit.

Aktualisht, titullin e “ajsbergut më të madh” e mban D15a, me një sipërfaqe prej 3,000 kilometrash katrorë, por edhe ai konsiderohet i rrezikuar nga copëtimi në vitet e ardhshme.