Amazon - Ja çfarë ndryshon nga 1 tetori

09.09.2025 Ora 8:09

Amazon ka njoftuar se do të ndalojë programin “Prime Invitee”, i cili lejonte anëtarët të ndanin përfitimet e transportit falas me miq ose familjarë jashtë shtëpisë. Ky ndryshim hyn në fuqi më 1 tetor 2025.

Në vend të tij, kompania po inkurajon përdoruesit të kalojnë tek programi “Amazon Family”, por ky është i kufizuar vetëm për anëtarët e së njëjtës familje brenda një shtëpie. Sipas Amazon, ky vendim do të prekë më pak se 1% të anëtarëve në SHBA.

Shërbimi Prime aktualisht kushton 14.99 dollarë në muaj ose 139 dollarë në vit, dhe çmimi i fundit u rrit në vitin 2022.

Ky ndryshim vjen në kohën kur Amazon po përballet me rënie të regjistrimeve të reja gjatë ngjarjeve promocionale si Prime Day, ndonëse kompania vazhdon të raportojë shifra rekord të shitjeve.