BBC ka publikuar listën e librave më të mirë të vitit 2025, duke sjellë një përzgjedhje që përfshin autorë të njohur ndërkombëtarë dhe tema që variojnë nga fantazia, tek drama dhe historia bashkëkohore.

Në krye të listës renditet “Helm” nga Sarah Hall, një roman që i kushton 20 vjet punë dhe trajton marrëdhënien e njeriut me klimën dhe forcat e natyrës.
Ndërsa “Flashlight” nga Susan Choi, e nominuar për Booker Prize, sjell një histori që përzien dramën familjare me misterin ndërkombëtar.
Autorja Rebecca Kuang, e njohur për sukseset e saj të mëparshme si Babel dhe Yellowface, vjen me “Katabasis”, një roman me frymë “dark academia” që e përshkruan universitetin si një “ferr modern”.

Në listë janë përfshirë gjithashtu Chimamanda Ngozi Adichie me romanin Dream Count, që trajton jetën e tri grave nigeriane, si dhe Han Kang, fituesja e Nobelit për Letërsi, me librin We Do Not Part, që ndërlidh kujtimet, historinë dhe dhimbjen.

Përzgjedhja e BBC-së këtë vit tregon se letërsia moderne po e sfidon ekranin — me histori që duhen lexuar, jo parë.