Michael Jackson ka shënuar një rekord historik duke u bërë artisti i parë që ka pasur hite në Top 10 të Billboard Hot 100 në gjashtë dekada. Ky arritje vjen pas rikthimit të këngës së tij ikonike “Thriller” në dhjetëshen e parë pas Halloween-it, ku ka regjistruar mbi 14 milionë streams sipas Luminate.

Me këtë sukses, Jackson bëhet artisti i parë që arrin Top 10 në çdo dekadë që nga vitet 1970, duke tejkaluar rekordin e Andy Williams. “Thriller” kishte arritur kulmin e saj më të lartë në vendin e 4-t në 1982, ndërsa Jackson debutoi në Top 10 si solo artist me “Got to Be There” në 1971. Gjatë karrierës, ai ka grumbulluar 30 hite Top 10, përfshirë 13 numra 1.

Rikthimi i këngës ndodh pas publikimit të trailer-it të biografisë “Michael”, e drejtuar nga Antoine Fuqua, që do të dalë në kinema më 24 prill 2026 dhe do të tregojë jetën dhe trashëgiminë e Jackson si “King of Pop”.