Spotify thuhet se planifikon të rrisë çmimet e abonimeve në SHBA gjatë tremujorit të parë të vitit 2026, raportoi Financial Times, duke cituar tre burime të njohura me vendimin. Ende nuk dihet sa do të jetë shtrenjtimi për secilin plan.

Kjo do të ishte rritja e tretë e çmimeve brenda dy vitesh. Aktualisht, abonimi premium individual kushton 11.99 dollarë në muaj, pas dy rritjeve prej 1 dollar në korrik 2023 dhe korrik 2024 (nga çmimi fillestar 9.99 dollarë që prej vitit 2011). Plani familjar kushton 19.99 dollarë, ndërsa plani duo për dy përdorues është 16.99 dollarë në muaj.

Rritjet e reja pritet të forcojnë të ardhurat e platformës, ndërsa Spotify vazhdon të investojë në përmbajtje dhe teknologji.