Revista TIME ka zgjedhur “arkitektët e inteligjencës artificiale” si Personazhin e Vitit 2025, duke theksuar ndikimin e jashtëzakonshëm që AI ka pasur në ekonomi, arsim dhe industri gjatë këtij viti. Por publikimi i nderimit erdhi në një ditë të vështirë për tregjet globale të teknologjisë.

Aksionet e Oracle ranë mbi 14% pasi kompania raportoi shpenzime shumë më të larta se parashikimet për projektet e inteligjencës artificiale, duke njoftuar se i nevojiten rreth 15 miliardë dollarë shtesë. Kjo ka ushqyer frikën e investitorëve se bum-i i shpenzimeve për AI mund të jetë afër një "realiteti të ri". Ndërkohë, aksionet e Nvidia, AMD, Microsoft, Meta dhe startup-it Coreweave shënuan rënie të ndjeshme.

Megjithatë, industria vazhdon të dominojë titujt kryesorë. Disney njoftoi blerjen e një aksioni prej 1 miliard dollarësh në OpenAI dhe planifikon të licencojë personazhet e veta për mjetin e videove të gjeneruara nga AI, Sora.

Në mesin e emrave të përfshirë nga TIME është Sam Altman i OpenAI, i cili po bashkëpunon me Oracle në projektin “Stargate”, një investim gjigant që synon zgjerimin e infrastrukturës së AI në SHBA. Revista theksoi se viti 2025 e vuri plotësisht në pah potencialin e inteligjencës artificiale, duke e quajtur këtë periudhë një pikë pa kthim për teknologjinë moderne.