Studimet tregojnë se ekspozimi i trupit ndaj nxehtësisë së lartë në sauna dhe më pas ndaj të ftohtit ndikon në qarkullimin e gjakut dhe sistemin kardiovaskular. Sipas hulumtimeve afatgjata të realizuara në Finlandë, përdorimi i rregullt i saunës lidhet me ulje të rrezikut për sëmundje të zemrës, tension të lartë dhe madje edhe çrregullime neurodegjenerative si demenca dhe Alzheimeri.

Përveç efekteve fizike, sauna shihet edhe si një ritual relaksues që ndihmon në uljen e stresit, përmirësimin e humorit dhe mirëqenien mendore. Megjithatë, ekspertët theksojnë se kalimi i menjëhershëm nga nxehtësia ekstreme në ujë shumë të ftohtë mund të jetë i rrezikshëm për persona me probleme shëndetësore, veçanërisht të zemrës.

Mjekët rekomandojnë adaptim gradual, qëndrime të shkurtra dhe shmangie të teprimit. Edhe pse sauna dhe uji akull nuk janë një “kurë mrekullie”, shkenca sugjeron se, të praktikuara me kujdes, ato mund të kenë ndikim pozitiv në shëndet dhe mirëqenie.