Céline Dion ka bërë homazh për bashkëshortin e saj të ndjerë, René Angélil, në 10-vjetorin e vdekjes së tij. Ylli kanadez u rikthye në Instagram të mërkurën duke postuar një fotografi ku portreti i Angélil është vendosur mbi një piano nën një dritë fokus.

“Mon amour, dhjetë vjet pa ty ndihen si një ditë, dhe megjithatë çdo ditë ndjehet si një dekadë,” shkroi Dion. “Dhjetë vjet pa puthjen tënde, dhe megjithatë çdo ditë ndjej prekjen tënde…”

Dion, e cila ka tre djem me Angélil, shtoi se familja ka qëndruar e fortë gjatë dekadës së kaluar. “Na mungon më shumë se sa mund të përballojmë, por na mësove të jemi të fortë. Të duam më shumë, çdo ditë dhe çdo vit,” përfundoi këngëtarja 57-vjeçare.

Dion dhe Angélil u takuan kur ai filloi të menaxhonte karrierën e saj si adoleshente dhe nisën lidhjen kur ajo ishte rreth 20 vjeç, pavarësisht shqetësimeve të nënës për diferencën e tyre prej 26 vjetësh. Ata u martuan në një ceremoni luksoze në dhjetor 1994 dhe patën René-Charles, 24 vjeç, dhe binjakët Nelson dhe Eddy, 15 vjeç.

René Angélil ndërroi jetë më 14 janar 2016, dy ditë para ditëlindjes së tij të 74-të, pas një beteje me kancerin e fytit.