Mesfushori kosovar Valon Berisha pritet të largohet nga futbolli austriak për t’u bashkuar për herë të parë me një klub në Bosnjë dhe Hercegovinë. Sipas raportimeve, Zeljeznicar nga Sarajeva ka dorëzuar një ofertë zyrtare pas negociatave pozitive me lojtarin.
Berisha, aktualisht pjesë e LASK-ut, ka zhvilluar 12 paraqitje këtë sezon dhe kontrata e tij skadon pas pesë muajsh, duke e bërë
transferimin të realizueshëm.

Karriera e tij ka përfshirë klube si Salzburg, Lazio, Fortuna Düsseldorf, Reims dhe Melbourne City, ndërsa me Kosovën ka regjistruar 52 ndeshje dhe 4 gola që nga viti 2016.