Dove Cameron rrëfeu në The Tonight Show Starring Jimmy Fallon se kishte qarë shumë kur i fejuari i saj, Damiano David nga Maneskin, i kërkoi të martohej me të. Aktorja e Descendants tregoi se kishte kuptuar që një propozim vinte, pasi Damiano e kishte informuar për dizajnin e unazës së saj, por nuk e priste që do të ndodhte në shtëpi, teksa ajo po paketonte me ngut për një udhëtim në Australi, e veshur me një “T-shirt të madhe” dhe pa make-up.

“Jam versioni më i keq i vetes kur paketoj… vrapoj si një krijesë në shtëpi,” tha ajo me humor, duke kujtuar shikimin e dashurisë që Damiano i drejtoi ndërsa ajo po paketonte. “U trondita komplet, truri më pushoi për një moment,” shtoi Cameron.

Damiano e thirri Dove-n në dhomën e ndenjes dhe i mbajti një fjalim romantik, i cili e bëri të “qante me të vërtetë”. Ai i tha:
"Dua ta bëj këtë këtu në shtëpinë tonë sepse dua pjata, rroba për t’u larë, përgatitje ushqimesh bashkë. Dua ty me T-shirt-in tënd të madh dhe kjo është jeta që zgjedh, dhe shpresoj që edhe ti zgjedh të njëjtën. Do të martohesh me mua?"

Kur mbërritën në Australi, u fotografuan me unazat e fejesës, duke nxitur spekulime mbi propozimin, por çifti e konfirmoi lajmin vetëm më parë këtë muaj. Dove shtoi se donin ta njoftonin kur gjithçka të qetësohej, duke shmangur vëmendjen e madhe mediatike.
Dove dhe Damiano janë në lidhje që nga viti 2023.