E ardhmja e sulmuesit kosovar Milot Rashica te Besiktasi është në pikëpyetje, pasi mediat turke raportojnë se Trabzonspori po intensifikon përpjekjet për ta transferuar atë.
Klubi nga Trabzoni synon të mbyllë marrëveshjen deri të premten, ditën e fundit të afatit kalimtar dimëror në Turqi. Rashica shihet si një përforcim i rëndësishëm për repartin ofensiv, ndaj Trabzonspori po tenton të bindë Besiktasin për lirimin e tij.
Për shërbimet e lojtarit, Trabzonspori ka ofruar tri opsione:
Huazim
Blerje me këste
Shkëmbim me ndonjë lojtar tjetër
Nëse marrëveshja finalizohet, Rashica do të mbetet në Superligën turke, por me fanellën e një skuadre tjetër.