Sipas raportimit të gazetarit të njohur Fabrizio Romano, trajneri gjerman Thomas Tuchel ka arritur marrëveshje për të vazhduar aventurën e tij me Kombëtaren e Anglisë deri në vitin 2028.

Tuchel është shprehur i kënaqur me bashkëpunimin dhe punën e deritanishme me skuadrën, duke theksuar se është krenar që do të vazhdojë projektin afatgjatë me “Three Lions”. Në deklaratën e cituar nga Romano, ai shprehet se ka shijuar çdo moment të punës me lojtarët dhe stafin teknik dhe se mezi pret ta udhëheqë Anglinë drejt Kupës së Botës.

Ky rinovim konsiderohet si një sinjal stabiliteti dhe besimi nga Federata Angleze, e cila synon suksese madhore në arenën ndërkombëtare në vitet e ardhshme. Me Tuchel në krye, Anglia shpreson që më në fund trofeu i shumëpritur të “kthehet në shtëpi”.

Mbetet të shihet nëse ky projekt do të rezultojë me suksesin maksimal në turnetë e ardhshëm madhorë.