Trafiku Urban në Prishtinë ka njoftuar se më 17 Shkurt, në shënim të Ditës së Pavarësisë së Kosovës dhe në mbështetje të marshit qytetar “Liria ka Emër”, udhëtimi me autobusë do të jetë falas për të gjithë qytetarët.

Sipas njoftimit, lirimi nga pagesa e biletës vlen gjatë gjithë ditës së festës. Vendimi synon të lehtësojë qarkullimin dhe të kontribuojë në shënimin e kësaj dite të rëndësishme.

Njoftimi është bërë përmes faqes zyrtare të ndërmarrjes në Facebook, ku qytetarëve u është uruar edhe festa e 17 Shkurtit – Dita e Pavarësisë.