Në një intervistë për ScreenRant, Radcliffe u shpreh se beson që aktori i ri që do të interpretojë Harry Potter-in, Dominic McLaughlin, do të jetë “më i mirë” në rolin ikonik.

Ai pranoi se gjatë xhirimeve të filmave origjinalë ishte ende në proces mësimi dhe se sot i sheh ato performanca me më shumë mirëkuptim. Megjithatë, Radcliffe theksoi se dëshiron që aktorët e rinj të mos krahasohen vazhdimisht me kastin e mëparshëm.

Sipas tij, mënyra më e mirë për t’i mbështetur është t’u jepet hapësirë për ta ndërtuar versionin e tyre të historisë, pa presionin e vazhdueshëm të krahasimeve me gjeneratën e parë të filmave.