Këngëtari irlandez Niall Horan ka konfirmuar se më 20 mars do të publikojë singlin e tij të ri “Dinner Party”, kënga e parë solo që nga albumi “The Show” i vitit 2023.

Ish-anëtari i One Direction tregoi se kënga është frymëzuar nga një darkë që, sipas tij, “ia ndryshoi rrjedhën jetës”.

Horan njoftoi në rrjetet sociale se momenti i përshkruar në këngë u bë edhe frymëzim për pjesën tjetër të albumit të tij të ardhshëm.

Artisti ka konfirmuar gjithashtu se albumi i ri tashmë është përfunduar, ndërsa projekti vjen në një kohë kur edhe ish-bashkëpunëtori i tij Harry Styles po përgatitet të publikojë albumin e ri “Kiss All The Time, Disco Occasionally”.