Universiteti Publik “Kadri Zeka” në Gjilan do të shënojë sot 13-vjetorin e themelimit me një ceremoni solemne që do të mbahet duke filluar nga ora 11:00.

Gjatë aktivitetit do të prezantohen arritjet kryesore të universitetit ndër vite, kontributi në zhvillimin e arsimit të lartë si dhe roli i institucionit në përgatitjen akademike dhe profesionale të studentëve.

Në këtë ceremoni pritet të marrin pjesë drejtues të universitetit, përfaqësues institucionalë, staf akademik dhe administrativ, studentë, si dhe mysafirë të ftuar.

Universiteti ka ftuar të gjithë të interesuarit që t’i bashkohen këtij organizimi për të shënuar së bashku këtë përvjetor të rëndësishëm të institucionit.