Në shkurt të vitit 2024 ishte nënshkruar marrëveshje me Banka Evropiane për Rindërtim dhe Zhvillim për blerjen e 30 autobusëve të rinj, përfshirë edhe autobusë elektrikë që synojnë modernizimin e transportit publik në kryeqytet.

Sipas ushtruesit të detyrës së kryeshefit ekzekutiv të Trafikut Urban, Qëndrim Vitija, gjatë gjashtëmujorit të parë të këtij viti pritet të arrijnë autobusët e rinj, të cilët do të vendosen në linjat ku nevoja për transport është më e madhe.

Ndërkohë, përfaqësues politikë në komunë kanë kërkuar reformë në Trafikun Urban, ndërsa sindikata e punëtorëve vazhdon të kërkojë rritje pagash. Megjithatë, autobusët e rinj pritet të jenë një hap drejt modernizimit të transportit publik në kryeqytet.