Këngëtarja kanadeze Celine Dion pritet të rikthehet me koncerte të mëdha në Paris, ndërsa vazhdon përballjen me sëmundjen e rrallë Stiff Person Syndrome.

Spekulimet u shtuan pasi në rrugët e qytetit u shfaqën postera me titujt e hiteve të saj si “My Heart Will Go On” dhe “The Power of Love”, ndërsa vetë artistja publikoi foto nga vizitat e saj ndër vite në Paris.

Sipas raportimeve, Dion mund të nisë koncertet këtë vjeshtë në Paris La Défense Arena, me performanca dy herë në javë gjatë shtatorit dhe tetorit, edhe pse ende nuk ka një konfirmim zyrtar.

Rikthimi do të vijë pas performancës së saj të vlerësuar në ceremoninë hapëse të Paris 2024 Olympics, ku interpretoi nga Kulla Eiffel, duke shënuar daljen e parë live që nga viti 2020.