Sipas kompanisë, përveç mos pagesës së faturave nga një pjesë e konsumatorëve, problem serioz mbeten edhe kyçjet ilegale, të cilat dëmtojnë sistemin dhe shkaktojnë mungesë të ujit për qytetarët që paguajnë rregullisht.

KRU “Prishtina” ka bërë thirrje që të gjithë konsumatorët me borxhe të shlyejnë detyrimet ose të lidhin marrëveshje për pagesë me këste. Në të kundërtën, paralajmërohen ndërprerje të furnizimit me ujë dhe masa ligjore ndaj shkelësve.

Kompania thekson se uji është një shërbim bazë, por kërkon përgjegjësi dhe bashkëpunim nga të gjithë qytetarët.