Vendimi është ndërmarrë nga administrata e presidentit Donald Trump, e cila synon të forcojë sigurinë kombëtare përmes zhvillimit të industrisë farmaceutike brenda vendit.

Megjithatë, kompanitë farmaceutike kanë mundësi t’i shmangin këto tarifa duke arritur marrëveshje me qeverinë amerikane ose duke investuar në prodhim në SHBA. Sipas Shtëpisë së Bardhë, firmat që nisin prodhimin në SHBA para vitit 2029 do të përballen me tarifa më të ulëta, ndërsa ato që bien dakord për çmime të caktuara me programet shtetërore mund të përjashtohen plotësisht nga taksat.

Masat nuk prekin ilaçet gjenerike, të cilat përbëjnë pjesën më të madhe të përdorimit në SHBA, dhe shumë kompani të mëdha tashmë kanë arritur marrëveshje për të shmangur tarifat.

Ekspertët vlerësojnë se ndikimi i plotë i këtij vendimi mbetet i paqartë, sidomos për kompanitë më të vogla, të cilat mund të përballen me kosto më të larta nëse nuk arrijnë marrëveshje me autoritetet amerikane.